Үчүнчү Анталия Дипломатиялык форумунун алкагында 1-мартта тышкы иштер министри Жээнбек Кулубаев Түрк мамлекеттер уюмунун (ТМУ) башкы катчысы Кубанычбек Өмүралиев менен жолугушту.
Жолугушууда Кыргызстандын Түрк мамлекеттер уюмунун алкагындагы жалпы маселелери, ТМУ Катчылыгынын учурдагы ишмердүүлүгү, ошондой эле Уюмдун алдыдагы пландары талкууланды.
Тактап айтканда быйыл Кыргызстанда ТМУ мамлекет башчыларынын кезектеги 11-саммитин өткөрүүгө, ошондой эле Кыргызстандын мурдагы Саммитте айтылган демилгелерин ишке ашырууга басым жасашты.
Белгилей кетсек, быйыл Түрк мамлекеттер уюмуна мүчө өлкөлөрдүн жетекчилеринин кезектеги саммити Кыргызстанда өтөт.
