Уюмдар 1-апрелден тартып салык отчетун электрондук формада бере баштайт.
Мамлекеттик салык кызматынан билдиришкендей, ишкерлер алдын-ала Salyk.kg
порталындагы жеке кабинетине кириши керек. Бул үчүн сайттагы билдирүүнү толтуруп,
аны басып чыгарып, каттоого турган жери боюнча салык органына тапшыруу зарыл.
Жеке кабинетке кирүү мүмкүнчүлүгүнө ээ болгондон кийин андан отчет тапшырып,
башка салык кызматтарын дагы акысыз алууга мүмкүн болот.
