Унаа жана жолдор министрлиги Төө-Ашуудагы тыгынга жол инспекторлорун күнөөлөдү.
Ведомстводон билдиришкендей, аймактык Жол кыймылынын коопсуздугун камсыздоо башкармалыгы өз убагында жүк ташуучу унааларга чектөө киргизбегендиктен, фуралар трассанын боюнда токтоп, узак тыгындарды жаратууда. Министрлик сунуш киргизгени менен, инспекторлор жүк ташуучу унааларды өткөрүүсүн уланта берет.
Ведомстводогулардын пикиринде эгер башкармалык ишине шалаакы мамиле кылбаса, Төө-Ашууда жана Көлбаев туннелинде тыгындар болмок эмес.
