Ырчы Эмилбек Балтагулов Токтосун Тыныбеков атындагы Жалал-Абад облустук филармониясынын директору болуп дайындалды.
Тиешелүү буйрукка маданият, маалымат, спорт жана жаштар саясаты министри Алтынбек Максутов кол койду, деп кабарлайт ведомствонун басма сөз кызматы.
Жаңы директорду Жалал-Абад облустук филармониянын жамаатына министрдин орун басары Түмөнбай Колдошев тааныштырды.
Белгилеп кетсек, Балтагулов буга чейин Жалал-Абад облустук Барпы Алыкулов атындагы кыргыз драма театрынын директору болуп иштеп келген.
