Ысык-Көл облусунда балык кармаган 3 900 метр синтетикалык тор суудан чыгарылып, жок кылынды. Бул тууралуу Экологиялык жана техникалык көзөмөл кызматы билдирди.
Маалыматка ылайык, Жаратылыш ресурстары, экология жана техникалык кѳзѳмѳл министрлигине караштуу Экологиялык жана техникалык кѳзѳмѳл кызматы Ысык-Көл облусунун Жаркынбай, Өрүктү, Чырпыкты, Семеновка, Ананьева участкаларында балык корун коргоо боюнча атайын рейд жүргүздү.
Жыйынтыгында 3900 метр синтетикалык балык кармоочу торлор табылып, жок кылынган.
Ошондой эле жергиликтүү тургундарга жаныбарлар менен өсүмдүктөр дүйнөсүн сактоо жана аяр мамиле кылуу жөнүндө түшүндүрүү иштери жүргүзүлгөн.
