Былтыр Кыргызстанда экономиканын негизги көрсөткүчтөрүнүн өсүү тенденциясы сакталды. Бул тууралуу Улуттук статистикалык комитеттин төрагасы Бактыбек Кудайбергенов билдирди.
Анын айтымында, 2023-жылдын январь-декабрь айларында алдын ала баалоо боюнча, ички дүң продукциянын көлөмү 1,2 трлн сомду түзүп, андан мурунку жылдын тиешелүү мезгилине салыштырмалуу 6,2%га өстү.
Жогорулоону тейлөө тармагы – дээрлик 51 пайыз, өнөр жай – 32 пайыз, таза салык – 17 пайыз камсыз кылган.
