Кечээ кечинде болгон катуу шамалдан Чүй облусунун Москва районундагы
мектептин чатыры учуп кетти. Өзгөчө кырдаалдар министрлигинен билдиришкендей,
Ак-Торпок айылындагы мектептин чатыры толук жулунуп, жараксыз абалга келди.
Андан жарат алган адамдар катталган жок, келтирилген зыяндын эсеби такталууда.
Белгилеп кетсек, 2012-жылы дагы ушул эле мектептин чатыры шамалдан учуп кеткен.
