Жакынкы жылдары Кыргызстанда электрондук кол тамга паспорттон да маанилүү документке айланат. Бул тууралуу Novosti.kgге Президенттин Администрациясынын санарип өнүгүү бөлүмүнүн башчысы Азамат Буржуев билдирди.
«Биз азыр бүт маалыматтык системаларда жарандарга абдан көп доступтарды ачып берип жатабыз. Анын баарын булуттук электрондук кол тамга аркылуу аласыңар. Ошондуктан, бул санариптик дүйнөдө жарандын паспорту деп эсептеп, паспорттон да бийик кармаш керек.”
Эске салсак, өкмөт 2019-жылы “Санарип Кыргызстан 2019-2023” деп аталган концепция кабыл алган. Документте санарип трансформация жарандардын жашоо деңгээлин жана мамлекеттин натыйжалуулугун арттырары белгиленген.
