Президент Сооронбай Жээнбеков Санкт-Петербург шаарына жөнөп кетти. Өлкө башчы Жогорку Евразиялык Экономикалык Кеңештин кезектеги жыйынына катышат. Анда чакан жана кеңири курамдагы сүйлөшүүлөрдөн тышкары КМШ мамлекет башчыларынын расмий эмес жолугушуусу өтөт.
Кыргызстандан барган делегациянын курамында тышкы иштер министри Чыңгыз Айдарбеков, президент аппаратынын тышкы саясат бөлүмүнүн башчысы Данияр Сыдыков, Кыргызстандын Россиядагы элчиси Аликбек Жекшенкулов, вице-премьер Жеңиш Разаков жана экономика министри Санжар Муканбетов бар.
