Бүгүн футбол боюнча дүйнө чемпионатынын биринчи жарым финалы болот.
Чечүүчү беттеште ойноо укугу үчүн Аргентина менен Хорватиянын командалары күч сынашат.
Алардын ортосундагы бул жолугушуу тарыхта алтынчы жолу болуп жатат.
Дүйнө чемпиондугунда атаандаштардын жолу эки жолу кесилишкен.
1998-жылы аргентиналыктар тайпалык баскычта 1:0 эсеби менен жупуну жеңишке жеткен.
Төрт жыл мурун хорваттар да тайпалык баскычта ишенимдүү реванш алышкан.
