Кыргыз-кытай чек арасында жер титиреди.
Бул тууралуу Өзгөчө кырдаалдар министрлигинин басма сөз кызматы Сейсмология институтуна таянып билдирди.
Маалыматка ылайык, кечээ, 13-май күнү саат 14:37де Кыргызстан менен Кытайдын чектешкен аймагында
очогунда күчү 4 баллга жеткен жер титирөө катталган.
Жер титирөө Нарын облусунун Ат-Башы районунун Эселек, Көк-Айгыр айылдарында 4 балл,
Торугарт айылында 3 баллга чейин сезилген.
Алдын ала маалымат боюнча жер титирөөдөн жабыркагандар жана кыйроолор катталган жок.