Кыргызстанга Кытайдан эки күндө 42 адам келип, анын тогузу ооруканага жаткырылды. Саламаттыкты сактоо министрлигинин маалыматына ылайык, студенттердин алтоосу Москва райондук ооруканада жатса, үчөө Сокулук районунун аймактык ооруканасында.
Аларда оорунун белгилери байкалган жок, бирок өздөрү дарыгердин көзөмөлүндө болууну туура көрүштү. Абалдары канааттандырарлык. Алар вирус жапырт чыккан Хубэйден эмес башка провинциялардан келди. Кыргызстанда коронавирус катталган жок, — деп белгилешти министрликтен.
Жалпысынан Кытайдан 28-29-январда 42 киши келди. Анын 24ү кыргызстандык болсо, 18и Кытайдын жарандары.
