Баткен облусунун чек арага жакын аймактарында көп кабаттуу үйлөр курулат. Экономика министрлиги тиешелүү токтом долбоорун даярдап, аны коомдук талкууга чыгарды.
Документке ылайык, Мамлекеттик ипотекалык компанияга бул максатта 200 миллион сом бөлүү сунушталат. Курулган турак-жай кийинки сатып алуу шарты менен ижарага берилет.
Баткен облусун өнүктүрүү боюнча кеңеш курулуш жүргузүлө турган калк жашаган түйүндөрдү аныктап бериши керек, ал эми үйлөрдү Мамлекеттик курулуш жана архитектура агенттиги курат.
