Бишкекте канализациялык коллектордун курулушуна байланыштуу Бакаев көчөсү 25-августка чейин жабылат. Анын Ахунбаев көчөсүнөн Кочкор көчөсүнө чейинки бөлүгүндө унаа кыймылы токтотулат.
Ошондой эле коомдук транспорт жүрүү схемасын өзгөртөт. №19 автобус эми Бакаев көчөсү менен эмес, Тыналиев, Псков, Гагарин, Асаналиев көчөлөрү менен жүрөт. №36, 6-автобустар дагы каттамын убактылуу өзгөртүп, Жунусалиев менен өтөт.
