Кантта курулуш материалын чыгарган завод ишке кирди.
Бул тууралуу Кыргыз-орус өнүктүрүү фондунун башчысы
Артем Новиков билдирди. Анын айтымында, өндүрүш имаратты
жылуулоо үчүн колдонулган базальт буласын чыгарат. Келечекте
заводдон өндүрүлгөн материалды экспорттоо пландалууда.
Ишкана жылына 20 миң тонна продукция өндүрө алат.
Заводдун ишке кириши менен жергиликтүү калк үчүн 100 жумуш орду түзүлдү.
