Ош-Сары-Таш-Эркечтам унаа жолунда сел жүрдү. Унаа жана жолдор министрлигинин басма-сөз кызматынан бизге билдиришкендей, кечээ кечинде нөшөрлөгөн жаан-чачындан кийин трассанын 111-114-чакырым аралыгын суу каптады.
Учурда жеринде селдин кесепетин жоюу, жолдун жаап калган бөлүктөрүн тазалоо иштери жүрүүдө.
Ошондой эле, Алай районунун Сопу-Коргон-Терек менен Пад-Аскалы унаа жолдорунда сел жүрүп, азыркы тапта тазалоо, кеңейтүү иштери жүрүп жатат.
