Ошто коронавирусту алдын алуу үчүн атайын штаб түзүлдү. Бул тууралуу Саламаттыкты сактоо министрлигинин аталган облус боюнча координатору Абдимитал Шамшиев билдирди.
Анын айтымында, штаб министрликтин тапшырмасы менен түзүлдү. Учурда Ош боюнча илдетке кабылгандар жана шек жараткан бейтаптар жок.
Андан тышкары, “Ош” эл аралык аэропорту менен “Иркештам” көзөмөл-өткөрүү түйүнүндө санитардык-эпидемиологиялык көзөмөлдөө күчөтүлүп, тепловизор коюлган. Соңку маалыматтар боюнча, Кытайда коронавирус 106 адамдын өмүрүн алды.
