Синоптиктер бишкектиктерди катуу шамал тууралуу эскертет. Туруксуз аба-ырайы бүгүн кечинде күтүлөт. Кыргызгидрометтин маалыматына ылайык, ордо калаада шамалдын ылдамдыгы секундасына 20 метрге чейин жетиши мүмкүн. Андыктан, жарандарга этият болуп, жеңил конструкциялардын алдынан өтпөө сунушталат. Ал эми унааларды бак-дарактардын алдына тоткотпош керек.
Кыргызстанда доллар бир суткада 30 тыйынга кымбаттады. Учурда ордо калаанын акча алмаштыруу жайлары америкалык валютаны 77 сом 40 тыйындан сатып алып, кайра 77 сом 90 тыйынга сатышууда. Эске салсак, 2016-жылдан бери туруктуу 69 сомдун тегерегинде кармалып келген АКШ доллары быйыл 10-мартта үч сомго кымбаттап,… Кененирээк…
Кыргызстандык эмгек мигранттарга Россияда жүрүү мөөнөтү узартылды. Биздин өлкөнүн Россиядагы элчиси Аликбек Жекшенкулов билдирдиргендей, 15-сентябрдан кийин мигранттардын азыркы документтери дагы 185 күнгө узартылат. Жыл аягына чейин мигранттар мекененине депортацияланбайт жана документтерин иретке келтирип алса болот.
Ошто коомдук тамактануу жайларынын иш убактысы узартылды. Түштүк калаа мэриясынын маалыматына ылайык, мындай чечимди шаардык штаб кабыл алды. Ага ылайык, кафе, ресторандар эми санитардык талаптарды сактаса, түн жарымга чейин иштей алат. Буга чейин алар кечки саат 10до жабылчу. Анын ортосунда, парк жана скверлер сейилдөөгө… Кененирээк…
Кыргызстанда дагы 535 адам коронавирустан айыкты. Саламаттыкты сактоо министрлигинин маалыматына ылайык, Ошто 155, Бишкекте 45, Чүйдө 40, Таласта 43, Нарында 30, Ысык-Көлдө 74, Баткенде 61 бейтап ооруканадан чыгарылды. Ушуну менен өлкөдө вирусту жеңгендердин жалпы саны 32 миң 764кө жетти.
Жогорку окуу жайларда бюджеттик жана келишимдик негиздеги орундарга кошумча сынак башталды. Билим берүү министрлигинин маалыматына ылайык, онлайн кабыл алуунун 3-турунда атайын системага 7 миң 701 талон түштү. Анын 2 миң 678и бюджеттик орундарга берилсе, 5 миң 23 талон келишимдик негизде билим алууга бөлүндү. Бүгүнтөн… Кененирээк…
Оштун кире беришиндеги бардык санитардык-карантиндик посттор алынды. Түштүк калаа мэриясынан билдиришкендей, 8-августтан тарта шаар чек араларындагы 7 пост ишмердүүлүгүн токтотту. Мындай чечим Ош шаардык Жарандык коргонуу штабынын жыйынында кабыл алынды. Эске салсак, Бишкектин кире беришиндеги бардык карантиндик-санитардык посттор дагы 8-августта алынды.
Индонезиялык Велин Кусум 20 жылдан бери диплом коллекциялап келет. Ал билим алууну ушунча сүйүп, дайыма диплом алып жүрөт. Велин 18 жаштагы улан кезинде курулуш жаатында биринчи даражага ээ болгондо бардыгы башталган. Ошондон бери ал токтобой окуп келет. Учурга карата анда 11 бакалавр, 3… Кененирээк…
Футбол боюнча кыргыз премьер-лигасынын алкагында кечээ 2 беттеш өттү. Уштуруучулардын маалыматына ылайык, “Нефтчи” “Каганатты” 2:1 эсеби менен утуп алды. “Алга” дал ушундай көрсөткүч менен “Алайды” жеңди. Турнирдик таблицада 6 упай менен “Дордой” лидерлик позицияда турат. Үчүнчү тур 13-августта өтөт. Эске салсак, эпидемиологиялык абалга байланыштуу,… Кененирээк…
Ошто медициналык таштандылар үчүн атайын контейнерлер орнотулду. Түштүк калаа мэриясынын маалыматына ылайык, обсервациялардан, ооруканалардан кооптуу калдыктарды жок кылуу үчүн таштанды полигонунда атайын чуңкурлар даярдалды. Ал эми коронавирустан үй шартында дарыланып жаткандардын үйүнөн чыгарылган таштанды үчүн контейнерлер Оштун 4 жерине коюлду.
