Биометрикалык жалпы жарандык паспорттор ишке киргизилгенден кийин,
Кыргызстан толук ушул документке өтөт. Мамлекеттик каттоо кызматынан билдиришкендей,
эгерде жарандын учурдагы жалпы жарандык паспортунун мөөнөтү аяктап жатса, анда анын
ордуна биометрикалык берилет. Бирок документтин мөөнөтү аяктай элек болсо, аны сөзсүз
жаңыга алмаштыруу зарыл эмес. Алмаштырууну жаран биометрикалык паспортту талап
кылган өлкөгө чыга турган болсо керек болот. Эске салсак, Кыргызстанда
жаңы документтер быйыл апрелде бериле баштайт.
