Кыргызстанда 18нен 24-мартка чейинки аралыкта 23 миң 218 жол эрежесин бузуу фактысы катталды. Бул тууралуу Жол кыймылынын коопсуздугун камсыздоо башкы башкармалыгы билдирди.
Анын ичинен:
- тийиштүү документтери жок автоунаа башкаруу – 239;
- мас абалында унаа башкаруу – 97;
- автоунаанын терезелерин мыйзамсыз караңгылатуу – 40;
- жөө жүргүнчүлөр катышкан жол эреже бузуулар – 948;
- транспорт каражаттарынын эксплуатациялоо эрежелерин бузуу – 3 640;
- автоээнбаштык – 5;
- белгиленген ылдамдыктан ашуу – 4 629;
- жалган мамлекеттик номуру менен унаа башкаруу – 3;
- башка жол эрежелерин бузуу фактылары – 13 617ни түздү.
Ошондой эле 923 автоунаа ар кандай жол эрежелерин бузгандыгы үчүн убактылуу айып короосуна киргизилген. ЖКККББ айдоочуларды жол кыймылынын коопсуздук эрежелерин так сактоого чакырат.
