Өлкөдө биометрикалык паспортторду акысыз берүү токтотулду. Бул тууралуу бүгүн, 19-июнда Мамлекеттик каттоо кызматынын төрагасы Акын Мамбеталиев онлайн маалымат жыйын учурунда билдирди.
«Жарандарга 2017-жылдан баштап бериле баштаган биометрикалык паспорттор үчүн акы алынчу эмес. Анткени анын бланктары гранттык негизде келип турган. Болгону жарандар персонификациялоо үчүн 263 сом төлөшчү. Эми ал бланктар түгөнүп, жарандар паспорт алууда жалпысынан 500 сомдун тегерегиндеги акы төлөшөт. Бул башка КМШ өлкөлөрүнө салыштырмалуу эң арзан баа экенин кошумчалай кетейин. Ошол эле маалда паспорттордун сапаты жогору, бардык стандарттарга жооп берет», — деди Акын Мамбеталиев
