Бишкекте көчө жарыгын оңдоо уланууда. Иштерди “Бишкексвет” аткарып жатат. Жаңы шамчырактар Талды-Суу, Волков, Мурман, Кокчетав көчөлөрүндө орнотулду. Андан тышкары, заманбап чырактар Жал, Туңгуч кичи райондорунда, Арча-Бешик конушунда пайда болду. Белгилеп кетсем, жашаган жери караңгы болуп атса, тургундар арыз менен мэрияга кайрыла алат.
Жалал-Абад шаарында Жусупбек Бакиев көчөсү кеңейтилүүдө. “Турмуш” басылмасынын маалыматына ылайык, учурда анын кеңдиги 8 метрди түзөт. Оңдоо иштеринен кийин 14 метрге жетет. Курулушка каражат жергиликтүү бюджеттен бөлүнгөн. Долбоорду ишке ашыруунун баасы 35 миллион сомду түзөт. Мэриядан белгилешкендей, Жусупбек Бакиев көчөсү 30 жылдан бери… Кененирээк…
Кыргызстанда ички аба каттамдардын жүргүнчүлөрү үчүн эрежелер иштелип чыкты. Республикалык штабдын маалыматына ылайык, “Манас”, “Ош” жана “Ысык-Көл” аэропортторуна ошол күнгө белгиленген билеттер менен жүргүнчүлөр жана ден-соолугунун мүмкүнчүлүгү чектелгендерди коштоп келгендер гана киргизилет. Андан тышкары, кире бериште жүргүнчүлөрдүн дене табы өлчөнүп, шек жаратса, ооруканага… Кененирээк…
Facebook социалдык тармагында жеке маалыматты башкаруу функциясы пайда болду. Бул колдонуучуларга публикацияларын архивге кетирип, эскилерин өчүрүп салууга мүмкүнчүлүк түзөт. Эгер колдонуучу постту сактап, бирок башкалардан жашыргысы келсе, болгону архивге жүктөп койсо болот. Андан тышкары, социалдык тармакта бир нече публикацияны башкара турган фильтрлер киргизилди.
Жалпы республикалык тестирлөөнүн жыйынтыгы 13-19-июлдарда белгилүү болот. Бул тууралуу novosti.kgге Билим берүүдө баалоо жана окутуу усулдары борборунан билдиришти. Жыйынтыктар мектеп жетекчилигине өткөрүлүп берилет. Учурда тестирлөөнү өткөрүүгө даярдыктар жүрүп жатат. Эске салсак, жалпы республикалык тестирлөө 21-июндан 25-июнга чейин өтөт. Негизги жана предметтик тесттин ар бири… Кененирээк…
АКШнын борбору Вашингтондун аймагына 1 миң 600 аскер кызматкерлери жөнөтүлдү. Бул тууралуу америкалык басылмалар АКШнын Куралдуу күчтөрүнүн штабы — Пентагондун расмий өкүлү Жонатан Хоффманга таянып жазып чыгышты. Анда Хоффмандын: «Аскер кызматында жүргөндөрдү борбордун аймагында жайгашкан аскердик базаларга жайгаштырдык. Вашингтондун ичинде аскерлер жок. Учурда аскер кызматкерлери жогорку согуштук… Кененирээк…
Роскосмостун заводу Юрий Гагариндин үнү менен лифттерди чыгара баштады. Ага кишилер отургандан кийин анда биринчи космонавттын “Кеттик” деген кыйкырыгы жаңырып турат, — деп жазат ТАСС. Кошумчалап кетсек, завод айына мындай өзгөчө лифттердин 50 даанасын чыгарып турууну пландап жатат.
Бишкекте калкты тейлөө жана тамактануу жаатында иштегендер беткап кийип жүрүүгө милдеттендирилди. Буйрукка вице-мэр Азиз Алымкулов кол койду. Жетекчилер кол астында иштегендердин эрежелерге ылайык иш алып баруусун көзөмөлдөшү керек. Андыктан, санитардык талаптардын аткарылышын көзөмөлдөө ар бир жетекчиге жүктөлдү. Талапты бузгандар боюнча даттануулар 1840 кыска номуру… Кененирээк…
Олуттуу себепсиз Бишкекке каттоо сунушталбайт. Биринчи вице-премьер-министр Кубатбек Боронов муну борбор калаада инфекциянын жугуу коркунучу жогору болуп турганы менен түшүндүрдү. Ордо калаада иштеп жаткан соода борборлору, дүкөндөр, кафелер жана коомдук транспортто санитардык эрежелер сакталбай жатканы шаардагы эпидемиологиялык абалды начарлатып жатат.
Куткаруучулар сууда сүзүүдөгү коопсуздук эрежелерин эскертет. Өзгөчө кырдаалдар министрлигинин маалыматына ылайык, атайын белгиленбеген тилкелерде сууга түшүүгө болбойт. Пляжда спирт ичимдиктерин ичип, сууга мас абалда түшүүгө дагы тыюу салынат. Көл жээктеринде, дарыялардын жана бассейндердин жанында кичинекей балдарды кароосуз калтырбаш керек.
